Side 2
EINSEMD
Einsemd er å gå med nedbøygd
rygg.
Einsemd er å gå med stutte
steg.
Einsemd er å gå innafor
muren.
Einsemd er å gå same vegen.
Einsemd er lengt etter noko
du ikkje kan nå.
Einsemd er å stå fast i
snøen.
Einsemd er å stå under ein
månesigd.
Einsemd er å vere langt ifrå
heimen.
SONG
Eg har skrive fleire dikt,
nistepakkedikt,
songar for ein tur i
fjellet.
Så gjekk eg ut, og eg såg aldri
meir
desse augo, desse bileta,
desse orda: borna
som eg gav ein song for vår
tid,
vår vanskelege, blodsvarte
tid.
Eg gjekk ut, eg gjekk ein
tur i fjellet,
høgt, langt bort i fjellet,
og der såg eg Gud.
Det var eg og du, aleine
i fjellet.
KONTRAST
Eg
var i Chicago , New York , Madrid ,
eg var i London, København,
Paris,
eg var i Oslo, Hamburg,
Jerusalem,
eg var i Helsinki, Warszawa,
Berlin,
eg var i Stockholm, Belfast,
New Orleans,
eg var i Beograd, Athen, San
Francisco,
eg var i Betlehem, Roma,
Munchen,
eg var i Los Angeles,
Lisboa, Montreal,
eg var i Reykjavik,
Amsterdam, Brussel,
eg var i Milano, Seattle,
Glasgow,
eg var ein nordmann på reis
i verda,
eg reiser stadig, og det er
livet,
eg møter folket og meg sjølv
i døra.
3
ALLE DESSE TING
Alle desse ting vi har tala
om,
både om høvisk framferd og
god sed,
det kan ingen læra
utan mannavit.
Det er og mannavit at ein
vil be om eitkvart.
Les Håvamål, og du vil
skjøna at gjerrigskap
vil snu seg til skam, men
høvisk framferd
og god sed gjev stor rikdom.
Berre slik vert ein
fagnadmann i landet.
OM NATTA
Om natta, det var om natta,
det var ei fin natt
med film og snø.
Ein roman.
Snø fall ovanfrå, sidelengs,
bortetter vegen, virvel.
Ingen ord, berre snø på
veggen,
oppetter leggen, over trea,
skogen, fjella.
Om natta, når alle søv,
reiser vinden,
og ungane vaknar og spør:
Kan vi grave og bygge her?
Så lagar dei ei snølykt
og helsar den vide jorda:
God morgon, Noreg.
TIDA
Det er tid, det er vår,
det er uro i hjarta,
det er søndag, og spegelen
lyser
og klokka slår.
Mitt auga stig ned i draumen
og talar fred, talar for
opne dører,
som munnen talar om
solstråler og valmuefrø.
Det er tid til å finne
kvarandre, omfamne kjærleiken,
sjå inn i dei opne gatene,
det opne landskapet.
Det er tid for steinen å
bløme,
jorda å smile, hjarta å slå.
Det er tid til å kome
attende. Morgonen er ljos,
og vi er ein evig månesigd,
eit ljosberande frø.
Vi er det nye som stig om
våren og blømer.
Vi reiser oss og roper fred.
Vi ser på kvarandre og er
med i dansen.
4
VELKOMEN
Til
festen må alle koma.
Velkomen i Jesu namn.
Her et vi og drikk.
Så syng vi salmar og
åndelege dikt,
og lyser fred over landet,
og ber Herren vår stå oss
bi,
så vi kan verte fri
slavebandet.
NÅR KVELDEN KJEM I BERGEN
Det er ein dur av dis og ro,
det er ein stille draum:
at ho som gjekk frå mannen
sin
må finne heim,
at han som drakk opp løna si
må verte god att.
Og
kvelden er eit skal av bly
som kjem og stengjer for di
dør,
og kvelden er eit ope sjal,
eit hjarta for den som spør.
Bergen
er ein signa by av kloke menn
som jagar mot eit mål:
profitt.
Og Universitetet stig med
penn og spir,
og data loggast inn og ut,
og du er fri.
Så reiser du til
Sunnhordland,
til Sunnmøre, til Jæren,
så vert du far, så vert du
gravid.
Så veks slekta mil etter
mil.
Oasen og treffpunktet og
skogen om natta
spør: Kven er eg? Eit
bilete, ei dør?
Heimemiljø, stille vatn.
LANDSKAP
Vårt eige vesle landskap,
båten på fjorden,
øya i havet, denne
månesigden som spør
etter namn, etter deg og
meg.
Vårt eige vesle landskap,
fyrtårnet, fjellet,
det er veg, bruene,
tunnel-trafikken.
Vi som går att og ser,
stoggar litt og går
langs dei gamle vegane,
kongevegane. Jæren.
Når
du er, så er du noko av oss, ein spegel
for vårt hjarta, ein vind
som blæs og blæs.
Ein trompet ular i
rullesteinar, havet kjem
inn i bislaget, inn i
kleskåpet, inn i dyna.
Du kjenner det riv og slit i
di eiga sjel:
Og det mektige havet spør:
Er du av vår ætt?
Det lyser ein himmel på
Jæren for alle folk.
HER ER EG
Nitten
åttisju, eg sit med vers. Eg les
Snorre, Homer, Kongespegelen,
An-Magritt.
Kong David fall i synd. Eg
er og ein syndig mann,
men ikkje slik som han. Eg
græt. Det
er mi arvesynd. Eg er kje
fri. Men Ordet seier:
"Ljoset skin i
mørkret". Her er eg.
FRAMAND SLETTE
Ei underleg framand slette,
eit åkerland,
ein høgsong for Vår Herre.
Ei elv i dine hender,
stiar i di handflate,
sletter av udyrka mark,
flokkar med kveg.
Ein oase i landskapet,
der du sit i skuggen av ei
palme.
Vi går dit kvar dag
og drikk levande vatn.
SJÅ OG HØYR
Gå der ingen veg er,
sjå der ikkje noko er,
høyr der alt er stumt,
tal der ingen høyrer.
Uroa ikkje hjarta ditt,
mål ikkje svarte ord,
gå der ingen før har gått,
sjå det ingen før har sett,
høyr det ingen før har
høyrt:
Møt Gud.
VISDOMMEN
Visdommens hus har mange
portar.
I kvar port møter han deg
og gjev deg ljos og varme,
og skinande nye klede.
Visdommens far er ikkje
langt borte,
og kvar dag kan du sjå
stjerna
over Betlehem:
Hans namn skal vere Jesus.
Og englane song,
og visdomens portar vart
opna,
og alle folkeslag skal møte
han.
Og det vart morgon fyrste
dagen,
og disiplane fortalde
alt det dei hadde sett og
høyrt.
Og om vi snublar, vil han
reise oss
og gje oss eit nytt ljos.
Han vil kle oss med sin
visdom,
og ordet frå hans munn
skal vi bere ut til alle
folkeslag.
Og han skal kome att
for å døme levande og daude.
UTAN MANGE ORD
Vi
skal møte
utan mange ord,
gå blomevegen, kyrkjevegen.
I dag fekk eg eit ja,
og ho skulle møte
med sitt eige bilete.
Det
er tungt å trø dansen
under molda.
Det er ikkje bruk for mange
ord
siste dagen.
Blomane skulle ein gje
medan vår bror lever.
Den
som elskar sitt eige liv
vil kunne elske sin neste.
Det er ikkje dei mange orda
som skal redde verda,
men eit levande ljos.
MENNESKET
Vi skal alle vere eit skjul
for vinden,
eit ly mot piskande regn.
Vi skal alle vere som bekkar
i ørkensanden,
som skuggar av eit mektig
fjell.
Vi skal alle vere opne
grinder
for sauene som kjem heim.
Vi skal vere for kvarandre
som Gud.
Vi er dei opne armane som
fyller verda
og dyrkar jorda og sår
frøet, Guds ord.
MÅLERI
Bleike
fargar gjer seg godt
omstråla av ljos.
Born ved ei grind sloss.
Visdommen gjev oss rom.
Vi ber bører kvar for oss.
I ein båt ut fjorden
møter vi månen og himmelen,
blodraud som ein kross.
ALLE VIL LEVE
Den som et brødet, drikk
vatnet,
sår frøet, vil leve.
Songar kan ikkje aleine
halde liv i oss,
men skal vi skjøne kven vi
er,
må vi ete, synge og danse.
Fangstmannen
lever av eventyret
like mykje som av føda.
Når han frys må han halde
ut, viss Gud vil.
Fangstmannen er som ein av
oss,
ein mann som vil leve, danse
og drøyme.
Før barnet var alle opptekne
av seg sjølv;
nå er det kven som skal ha
barnet,
viss det ikkje går slik og
slik...
Før var kjærleiken maten og
stovevarmen,
orda frå mor og far,
bestemor og bestefar;
nå er kjærleiken å ete,
synge og danse.
RØRSLENE
Eg målar med fingrane, målar
verda blå,
slik ho er i augo mine, slik
eg ser henne
i spegelen. Eg målar eit
stykke svart,
fordi eg vil sjå meg sjølv,
og grønt gras
skal vekse og gje rørslene
mine eit anna liv.
Eg målar ei hytte på
fjellet, målar fjellet
med varme kjelder og kalde
kjelder. Eg målar
havet og himmelen grå, og
vatnet strøymer ned,
og augo mine reiste seg og
lagar ein regnboge.
Eg målar ein båt i fjorden
for fulle segl.
BERRE EG KUNNE SJÅ
Eg har ei sol, og sola kraup
inn i natta,
og natta vart til dag, og
dagen lyste.
Eg har ein måne, og månen
kraup inn i dagen,
og dagen vart til natt, og
natta lyste.
Nå gjeld det å halde
spegelen beint,
nå gjeld det å halde på
strålane.
Eg er i ein tunnel og ser
himmel og stjerner,
eg ser sauer og kyr beitar
og ein hest.
Glitretind,
Fujiyama, Ararat. Eg ser månen
kryp nedetter fjellsida, og
møter meg.
Det er morgon på dei
snøkledde viddene.
Eg reiser med vinden. Eg er
himmelbrevet.
SNAKK MED FOLK
Skriv
ned det du høyrer. Ein dag
er ikkje det mennesket meir.
Du
står med eit ope sår. Kvifor
fekk
du ikkje skrive det ned? Det
er
ikkje tilfeldig at jorda er
rund,
det ligg i naturlova frå
Skaparen.
Du
strekk ikkje til? Du er ikkje?
Skaparkrafta er broten ned.
Soga
fortel at du er ei
morgonstjerne.
Så er du på talefot, så er
du med
i skrivarstova, og du tek
leiinga
og skriv heile folket si
sak: Gud.
EIT VERS
Til ein fjern slektning
skriv eg,
men eg møter han kanskje
aldri.
Det er eit sakn at vi skal
bu så langt borte
at det er berre på slump
liksom at vi møtest.
Du kjenner sikkert det stikk
i deg og,
for du har og slekt, og det
er ofte slik
at vegane er så stengde. Eg
får ei helsing
og kanskje eg får eit brev.
Slekta er stor,
og det går kanskje år og dag
før eg ser deg att.
Du er velkomen, men du
reiser heller til Syden,
du vil ikkje uroe, så
tenkjer du vel
at tida er så knapp, at det
er lite å gjere på.
Vi skulle i alle høve møtast
ein dag,
vi skulle lage til eit
treff. Og da kjem eg,
og du kjem kanskje - fordi
du tykkjer du må.
Ein fjern slektning har
ikkje så mykje band,
føler ikkje at det er så om
å gjere
å treffast. Han veit jo litt
og har familie
og nok å ta seg til. Og åra
går, og vi
som gløder for dette
slektsbandet, vi må gå
i graset under ei
hengebjørk, tuntreet heime.
Slekta er ei gåve, det er
halve verda.
Du skulle skrive det ned,
namnet til far og mor.
FJELLET
Stig opp på fjellet, sjå
Gud.
Her er ein møtestad for alle
folk,
her skal du stige og stige.
Du er ei sol, ei stråle, eit
ord
frå Herren, eit frø i Sinai's
jord.
Stig
opp på fjellet, ver spegel
og ljos for Jerusalem. Møt
opp
på fjellet, sjå dette landet
som stig:
Israel. I dine hender vil eg
bu.
Der vil eg byggje eit altar
for Gud.
ORD
I alt som møter deg er ord.
Ord er ein spegel, ei kraft.
Du kan ikkje klare deg utan
ord.
Ord er vårt inste, sjela.
Ord gjev tankane meining.
Du får nye syner på
tilværet.
Ord er livet, ord er namnet,
det vi ber fram for Gud.
I
alt som møter eit menneske
er morgondagen ukjend.
Nå lyser ordet og sanninga
inn gjennom glaset til deg.
EG MÅ LE
Elske dette brevet, elske
ord,
elske denne grove handa,
denne fine handa.
Elske far og mor, elske alle
som kjem i vegen,
kvit himmel, namn, elske
jord.
Eg må gråte, eg må le, eg
er:
ein vanleg blåkvit morgon,
snø
som kjem og kjem. Eg elskar
dette brevet, desse blomane.
God dag! God dag!
Eg elskar augo som ligg i
senga,
elskar katten, eg elskar
uroa som stig. Så vert det
FRED,
ein underleg fred
etter alt dette. Du som
gjekk
opp trappa: Ein engel.
Ingen kommentarer:
Legg inn en kommentar